-Fasada e objektit është fasadë e ventiluar me pllakë qeramike HT (pllakë vetlarje), ku me shiun e parë dhe të dytë pllaka kthehet në gjendjen fillestare. Fasada është projektuar si fasadë e ventiluar me veshje strukturale me shtresë termoizolimi dhe pllaka qeramike HT ( high tech). Për shkak të dendësisë së dhomave të apartamenteve, fasada përmban një numër të lartë të dritareve, ku synimi i dizenjimit të fasadës është krijimi i një ritmi të rregullt të çarjeve dhe grupimi i tyre në module lehtësisht të lexueshme.

 

-Për sa i përket mureve ndarës të apartamenteve janë me izolim  akustikë që ndalon zhurmat ndërmjet apartamenteve dhe banorët nuk shqetësojnë njeri-
tjetrin.

 

-Shtresat e dyshemeve në çdo apartament kanë fletë akustike për zhurmat ndërmjet kateve, gjithashtu edhe poshtë mureve të tullës vendoset izolues akustike për zhurmat e transmetuara i quajtur Fonostop i cili shërben dhe si hidroizolues.

 

-Projekti konstruktiv është i realizuar me sistemin zvicerian me soleta të rrafshëta pa trare në mes të quajtura "flat slab" ku vlen për t'u theksuar  sipërfaqja e objektit e pastër dhe estetike.

 

-Në altimetri objekti ndahet në 3 katet e nëntokës që do të përdoren për parkim, kati përdhe që do të shfrytëzohet për ambjente tregtare, kati i parë mbitokë që do të funksionojë për zyra dhe nga kati dytë deri në të nëntin do të jenë ambjente banimi. Katet e parkimit janë të sfazuara nga njeri tjetri me gjysëm kat dhe me një rampe lidhëse shumë të gjerë dhe pjerrësi shumë të ulët.

 

-Katet e nëntokës janë të ndërtuara me të gjitha sinjalistikat e nevojshme të saj dhe me ndriçues luminishent për ta bërë sa më të lehtë fushëpamjen e automjeteve.

 

 

-Gjithashtu kurbatura e kateve të nëntokes është e lartë dhe me soletë flat slab pa trarë në mes.

 

-Për shkak se volumet e kateve nëntokë të parkimit janë të sfazuara, 2 prej ashensorëve shkojnë deri në katin e 3 të nëntokës ndërsa i treti fillon në nivelin e katit përdhe.

 

-Sipërfaqja e lirë në perëndim të objektit është shfrytëzuar për hapësira rekreative dhe shplodhëse. Hapësirat e gjelbërta janë të plotësuara me shkurre dekorative dhe pemë të larta dhe përgjatë pasazheve do të ketë stola druri.

 

-Konstruksioni i objektit është me sistem beton-arme dhe mure me tulla. Soletat e kateve janë me soletë monolite pa trarë në mes sistemi zvicerian flat slab. Marka të larta 370 për soletën.

 

-Rëndësi i është kushtuar dhe rrjetit të aspirimit dhe të kondicionimit duke i bërë aspirimin e kuzhinave me linjë të veçantë për çdo apartament.